بيوم وليلة دمع القدر طل قبالي ( بكتابتي )

بين يوم وليله دمع القدر طلّ قبالي

ورياح السما وموج البحر حاربت شطّ عمرنا وخيالي

وسحبتني لعمق الحزن والعذاب قدام قبرك اتعذب واحترق وحاكي حالي

مين كان يقول رح المس ايدك تلج بيوم وودّعها ما فيها روح بدموعي ودع روحك ومع روحك روحي تروح؟!

بين يوم وليله دمع القدر طلّ قبالي

وقالي هيدي اخر شمس نهار بتشوفي فيها الغالي

من وقتها غابت نور عيونك عني وراحت شمسك لبعيد وإجت قسوة الليالي

من بعدك بهالدني كيف بعيش وانت اللي كنت وحدك فرحة قلبي وكنز عمري الغالي؟!

ركعت قدامك اتذكر حنانك بعيوني واسـيك

تمنيت شفافك تتحرك تبتسملي, تهمسلي , حتّى أحكيك

ليش تركتني ورحت ياللي كناّ النفس نتقاسمو وحتى كنت على نصّ عمري شريك ؟!

صدقني مهما لفّ ودار الزمان رح تضلّ بقلبي, صوتك بدمي ,ونظراتك ببالي ولمساتك عليّ

وما بيمحيها الوقت ولا الزمان لك نام بهدى نومة ملاك يا نور عينيّ وعهد عليّ

متل ما اندفنت بتراب قسوة الكون بوسط قلبي ادفنك ,بتراب قلبي دفيّك ,ولحد موتي مش رح انسيك