"نعمة و نقمة" شع عن الصداقة

" نعمه و نقمه "

كل الناس اجلهم مكتوب بكتاب***ما تبدله كرون وعكود
و الله كتبلي‎‎‏بدنيتي اربع اصحاب***اتخذهم الي دروع وسدود
اعتبرتهم عندي افضل الأحباب***وحبهم بكلبي ماله حدود
اذا عطشوا صيرت نفسي ماي و شراب***وبيدي احفر لهم ابار وخدود
ولو جاعوا صرت الهم بساتين نخل و اعناب***وكرمي ومالي عليهم يجود
وإن الشمس كوتهم جنت ضل وسحاب***واذا البرد كارصهم جنت النار الوقود
جنت بنظرهم مارد احكك اماني الطلاب***وماني اردلهم طلب ولا اردلهم ردود
وان استذئبت عليهم الذياب*** جنت اسد الهم و فهد من الفهود
جنت الرمح والسيف والحراب***جنت كد الي يعاديهم وكدود
اذا بغوا يسرون سر بكول او بخطاب*** جنت البير الي يضم اسرارهم وحلكه مسدود
واذا واذا الى اخر الكتاب***كتاب حبي لهم ما يخلصه بند وبنود
اولهم وهبني ما وهبته بلا حساب***بس مشكلته يريد رأيي على رأيه دومه مشدود
و الله خلك البشر بطباع وانساب***كل له رأيه وكل له فكرته ببرود
اشلون تطلب مني اشبهك بلى اسباب***مو ربنا جعلنا خوان مو تووم براس واحد مشدود
وان اختلفت معه بمسأله وخطاب***تصورني ابغضه ورأيه دومه مردود
بغض النظر من فكرته الاصح والصواب*** ترى الخوى احترام الرأي بحب و جود
دومه ينفجر بصوته على الأصحاب***وصراخه بصوته دومه مشدود
وثانيهم ورب العزه والارباب***ما اخيره عن الاول بطيبه الممدود
حيرني بوصفه وحير معي الكتاب***ربي يمده مد البحر وبكده مدود
والثالث منافق وجذاب***ساعه طيب وساعه نمرود
كلما امدله حبل خوتي و وصل الاصحاب***مدلي حبل الحب بحبل الحسد معكود
اعتبرته جدار يحمي ظهري من الجلاب***طلع جدار بالأصل مهدود
من تسمع حجيه تنفتح الابواب***ابواب الطيب والعز والودود
بس مدري بحجيه صادك والا جذاب*** مشكلتي اني احبه حب ما الى حدود
من عادته يبرر اغلاطه بأسباب وينتظر مني جواب***ترى الجذاب يتغير لونه و تصفر عنده الخدود
مدري صفاره من صنع رب الارباب***والا في أصله عرك من اليهود
والرابع مشكلته دومه كلاب***مدري يمتى يكره ويمتى بحبه يعود
من يخاطبني يبان حباب***وهو ثعبان اصله بعدة جلود
سولته ضنان نمام‎‎وغراب ***ودومه بكلامه يجتاز الحدود
ربي اصلحه واهديه كبل يوم الحساب***ولا تجعل الضن بيه مثل آفه او مثل دود
و الله تمنيت لو اصير تحت التراب ***واشوف من يفرح و من دمعه يصب على الخدود