اغنيه عن الصحبه
اقرا واستمتع
في صدري في كلام لليوم نبي نحكيه
بنحكي موقف صار معايه
بنحكي علي نحاسب فيه
كان في انسان ظحيت معاه
شلت الهم انا وياه
عطيت وما خذيت نص اللي هو مني خذاه
لما كنت امعاه عمري ما حسيت ان نحن اثنين
كنا واحد نفس الافكار نفس الحياه عايشين
لا عمري رظيت فيه ولا حنرظا فيه السيه
نعد العشره والمواقف مستحيله نقعد زيه
عالمواقف اذكر موقف انا قصرت فيه معاك
في ظعفك قاعد في جنبك في حزنك لقيتني حداك
اها قعدت احداك لما القربيين منك باعوك
لكن انت غبي بعتني خليهم ينفعوك
توا ناخذ في الخلا ونراجع في ذكرياتي
نلقى فيه في كل يوم عدى وفات من حياتي
معقوله هظا المكان يمسح من قلبي الاحزان
توا ظميري ايأنب فيا بعد ما اليوم عليا هان
لا يا صاحبي ارجى اليوم قبل ما عليا اتلوم
انا صفيت النيه معاك ما تلعبليش دور المظلوم
عندي لكي سؤال ريحني انت بجوابه
شن موقفك لما تذكر صاحب في وجهك صكر بابه
الغدر يجري في الدم كنت امسببلي انت الهم
كنت تظحك عليا وللأسف انا كنت مهتم
كنت نحسابك صاحب كنت نحسابك انت الرفيق
اللي ينعبا عليه في وقت الزر في وقت الظيق
الصاحب علي صاحبه نكذب قال انبيعه باته
ناس مرظه حاجات صغيره صاحبي غيراته
اليوم بان يا صاحبي من اللي فينا عقله اصغير
ماتحطش عليا اليوم وتقول نازي كنه تغير
قتلي خلينا رسميات الرفقه انت فايتها
به ليش ماختصرتش قلتها من بدايتها
يسي انا اسف عالوقت اللي ظيعته لكي
اسف اني سمعتك في كل مره جيتني فيه تشكي
اسف عالاخلاص
اسف عالاحساس
اسف ان في نظري كل اللي كان بينا اليوم انداس
عشره مواقف صحبه رفقه اخوه تظحيات
ما اعتقدش ايهمك زي ما قلت انت قلبك مات
ماننكرش انك ظريتني انك سببتلي هزه
لانك احساسي كان في اتجاهك اكثر من معزه
مش حنلومك مش عنعذتك حنقول اني انا الغلطان
حولها من راسك ان نازي رد كيف زمان
بصراحه انا انهنيك عا الدور للي مثلته عليا
خليتني انصدق كل كلمه وكل بعودك ليا
تحياتي يا خوان خلاص خطاك النسيان
كنت نقطه سوده في حياتي مسحنها الايام
اللي بيننا اعتبره قصه ولا اعتبره روايه
كيف ماكان الها بدايه
اكيد بيكون الها نهايه
ياريت اليوم تفهمني يا ريت تفهم كلماتي
لا تحكيلي لا تفهمني خلاص اطلع من حياتي
سامحوني اذا في خطا